Help Musicians - Fast Track Awards
P'un ai'n talu cost cyrsiau byr, buddsoddi mewn meddalwedd newydd, neu fanteisio ar gyfleoedd i recordio, rhyddhau neu berfformio—mae Fast Track yn eich cefnogi.
Cefnogaeth o hyd at £500 i'ch helpu i fachu cyfle.
Weithiau, bydd cyfleoedd yn codi a all gael effaith gadarnhaol, barhaol ar eich gyrfa fel cerddor.
Boed hynny'n gwrs byr, buddsoddi mewn meddalwedd newydd, neu achub ar gyfleoedd i recordio, rhyddhau neu berfformio sy'n eich helpu i gyflawni eich uchelgais, mae cefnogaeth Fast Track yma i'ch helpu i'w fanteisio.
Mae'n fuddsoddiad i'ch helpu i dyfu neu gynnal eich incwm o gerddoriaeth, neu i'ch helpu i gymryd rhan mewn rhywbeth a allai roi hwb i'ch gyrfa.
Ar gyfer pwy mae hyn?
- Cerddorion gweithredol sydd wedi ennill o leiaf 40% o'u hincwm o gerddoriaeth dros y ddwy flynedd ddiwethaf. Bydd angen i gerddorion sydd â chyflwr iechyd hirdymor ac/neu anabledd sy'n effeithio ar eu gallu i weithio fel cerddor ddangos rhywfaint o incwm o gerddoriaeth yn ystod y ddwy flynedd ddiwethaf. Mae rhagor o fanylion am y meini prawf yma.
- Rhaid bod dros 18 oed, yn byw yn y DU, gyda'r hawl i fyw a gweithio yn y DU a gyda chyfrif banc yn y DU.
- Heb fod â mwy na £10,000 mewn cynilion nac unrhyw gyfalaf arall a allai ariannu eich gweithgaredd arfaethedig.
Mae'r meini prawf cymhwysedd llawn ar gael yma.
Yn ogystal â hyn, i dderbyn y dyfarniad hwn rhaid i chi:
- Fedru cyflawni'r gweithgareddau rydym yn eich cefnogi i'w gwneud o fewn 12 mis i dderbyn yr arian
- Gael rheolaeth dros un neu fwy o agweddau ar eich gyrfa, e.e. hunan-reoli, hunan-ryddhau neu hunan-gynhyrchu
Gallwn ni wneud cais fel band, cydweithfa neu grŵp?
Na. Mae'r gefnogaeth hon ar gyfer cerddorion unigol.
Alla i wneud cais am gefnogaeth arall gan Help Musicians ar yr un pryd?
Na, dim ond un gwasanaeth creadigol neu wasanaeth gyrfa y gallwch wneud cais amdano a chymryd rhan ynddo ar y tro.
Pryd alla i wneud cais?
- Dydd Llun 27 Ionawr — Dydd Gwener 14 Chwefror 2025
- Dydd Llun 24 Mawrth — Dydd Gwener 11 Ebrill 2025
- Dydd Mawrth 6 Mai — Dydd Gwener 23 Mai 2025
- Dydd Llun 7 Gorffennaf — Dydd Gwener 25 Gorffennaf 2025
- Dydd Llun 13 Hydref — Dydd Gwener 31 Hydref 2025